စိတ်ထွက်ပေါက်

အချစ်လေး မင်း မျက်ဝန်းလေးတွေကို ခဏမှိတ်ထားပါ
ဘ၀ဟာ အဆင်မပြေခြင်းလို့ပဲ တို့ မှတ်ယူပါစို့လား
အချစ်လေး မင်းရဲ့ တင်းထားတဲ့ နှုတ်ခမ်းတွေ ခဏပြုံးလိုက်
ဒီဘ၀ဟာ ပျော်စရာလေးလို့ပဲ နှစ်သိမ့်ကာ နေပါစို့လား
အချစ်လေး လောကကြီး ဖျားနာနေတာ ခဏ မေ့ထားလိုက်
ဘ၀မှာ ငါတို့ မရှင်းနိုင်တဲ့ အကြောင်းတရားတွေ ပင်လယ်တွေလိုများ
အချစ်လေး အများအတွက် တွေးတတ်တဲ့ အတွေးတွေ ခဏသိမ်းလိုက်
ဒီဘ၀မှာ နာကျင်ခြင်းတွေနဲ့ ကင်းမဲ့/ခဲ့သလို နေပါစို့လား

စိတ်ထွက်ပေါက်လေးပေါ့ အခု ရရှိတဲ့ခဏမှာ
ငါတို့ သီချင်းလေးဆိုရင်း ငြိမ်းချမ်းရာ ရှာစမ်းပါ

ဟေး ..... လာ လာ လာ လာ လာ အရာရာကို ထားခဲ့ ခဏတာ
ဟေး ..... ဒီလို အချိန်မှာ နာကျင်စရာ ဘာမှ မစဉ်းစား
ဟေး ..... လာ လာ လာ လာ လာ လာပါကွာ အချစ်များရှိရာ
တို့ သီချင်းလေးထဲမှာ အတူတူ/လွင့်မျောရင်း နေမယ်ကွာ
ဒဏ်ရာတွေရဲ့ အဝေးမှာ/နေချင်တယ် ဒဏ်ရာတွေနဲ့ ဝေးရာ

မာတိကာ သို့ .....